Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 08. janúar 2021 14:31
Elvar Geir Magnússon
Ighalo spilar með Man Utd á morgun - Rojo og Romero á förum
Odion Ighalo.
Odion Ighalo.
Mynd: Getty Images
Ole Gunnar Solskjær, stjóri Manchester United, hefur staðfest að sóknarmaðurinn Odion Ighalo muni spila gegn Watford í enska bikarnum annað kvöld.

Ighalo er enn á láni hjá United frá Shanghai Greenland Shenhua í Kína en lánssamningurinn rennur út í enda mánaðarins.

Hann hefur aðeins komið við sögu í einum úrvalsdeildarleik á tímabilinu.

„Þetta er sérstakur leikur fyrir Ighalo og hann mun koma við sögu. Hann er í hópnum. Hann hefur æft vel og það hefur verið erfitt fyrir hann að vera svona oft utan hóps því hann stóð sig mjög vel fram að sumri," segir Solskjær.

Á fréttamannafundi í dag staðfesti Solskjær að varnarmaðurinn Marcos Rojo og markvörðurinn Sergio Romero væru á förum frá félaginu en þeir verða samningslausir í sumar.
Athugasemdir
banner
banner