Suarez gekk til liðs við Atlético frá Barcelona fyrir leiktíðina en hann hefur heldur betur blómstrað í Madríd.

Cristiano Ronaldo skoraði 15 mörk í fyrstu 17 leikjum sínum með Real Madrid er hann kom til liðsins árið 2009 en Suarez bætti það met í kvöld.

Suarez og félagar hans í Atlético eru á toppnum í spænsku deildinni með 51 stig, átta stigum á undan Barcelona og þá á liðið einn leik til góða á Börsunga.