Það var nóg um að vera hjá Íslendingum í Bandaríkjunum í nótt.
Óttar Magnús Karlsson leikur með Oakland Roots í næst efstu deild en liðið mætti Orange County í nótt. Óttar var í byrjunarliðinu.
Orange County var 2-0 yfir í hálfleik en Oakland minnkaði muninn á 68. mínútu. Það stefndi allt í sigur Orange County en Óttar Magnús bjargaði stigi með marki þegar fjórar mínútur voru komnar framyfir venjulegan leiktíma.
Oakland er með 8 stig eftir 10 leiki í næst neðsta sæti vesturdeildar.
Þrír leikir voru í MLS deildinni. Þorleifur Úlfarsson kom inná sem varamaður í 2-0 tapi Houston Dynamo gegn DC United, Arnór Ingvi Traustason sat allan tíman á varamannabekk New England Revolution í 2-2 jafntefli gegn Columbus Crew.
Þá var Róbert Þorkelsson var ekki í hóp hjá Montreal þriðja leikinn í röð en liðið sigraði Orlando City 4-1. Houston er í 7. sæti austurdeildar sem er neðsta sætið sem gefur sæti í úrslitakeppninni.
Montreal er í 3. sæti Vesturdeildar en New England er í 11. sæti.
