Andrea Rut skoraði í góðum sigri

Leikurinn var nokkuð jafn og réðist af óheppilegu sjálfsmarki sem Samantha van Diemen setti framhjá Cecilíu á 34. mínútu.

Leikurinn var annars jafn og lokaður og urðu lokatölur 1-0. Liðin áttust við í undanúrslitaleik Serie A bikarsins og fer Juventus því í úrslitin, þar sem liðið getur annað hvort mætt Sassuolo eða ríkjandi Ítalíumeisturum Roma. Fyrsta umferð nýs deildartímabils hefst í lok september.

Í efstu deild í Belgíu var Andrea Rut Bjarnadóttir í byrjunarliði Anderlecht og skoraði hún fyrra markið í 0-2 sigri gegn Gent. Vigdís Lilja Kristjánsdóttir kom inn af bekknum á 70. mínútu og er Anderlecht með sex stig eftir tvær fyrstu umferðirnar.

Í efstu deild í Svíþjóð kom Sigdís Eva Bárðardóttir við sögu í 2-0 tapi hjá Norrköping. Hún fékk aðeins að spila lokamínúturnar og gat því lítið gert til að bjarga liðsfélögunum. Norrköping er í fallsæti með 13 stig eftir 18 umferðir.

Í Danmörku var Hafrún Rakel Halldórsdóttir ekki í hóp í þægilegum sigri hjá Bröndby gegn OB. Bröndby er með 11 stig eftir 7 umferðir.

Í karlaboltanum var Sigurður Bjartur Hallsson ónotaður varamaður í svekkjandi tapi hjá AD Merida í þriðju efstu deild á Spáni. Merida tapaði 3-4 eftir að hafa náð 2-0 og svo 3-2 forystu. Liðið er aðeins með þrjú stig eftir þrjár fyrstu umferðirnar á nýju tímabili.

Willum Þór Willumsson var ónotaður varamaður í 3-0 tapi NEC Nijmegen í efstu deild í Hollandi. Liðið er aðeins komið með 7 stig eftir 6 umferðir eftir að hafa reynst spútnik lið síðustu leiktíðar.

Gísli Gottskálk Þórðarson var að lokum ekki í hóp í naumum sigri St. Pauli gegn Wolfsburg í næstefstu deild í Þýskalandi. St. Pauli er með 6 stig eftir 5 umferðir.

Gent 0 - 2 Anderlecht
0-1 Andrea Rut Bjarnadóttir ('25)
0-2 Shari Van Belle ('58)
0-2 Misnotað víti, Anderlecht ('63)

Juventus 1 - 0 Inter

Brommapojkarna 2 - 0 Norrköping

Odense 0 - 4 Bröndby

Merida 3 - 4 Mirandes

Cambuur 3 - 0 Nijmegen

St. Pauli 1 - 0 Wolfsburg