Jack Grealish, leikmaður Manchester City, fær mikið lof frá enskum fjölmiðlamönnum eftir innkomu hans gegn Þýskalandi í Þjóðadeildinni í gær.
Leikur enska liðsins batnaði til mikilla muna eftir að Grealish kom af bekknum á 72. mínútu. Þýskaland var þá yfir í leiknum en Harry Kane jafnaði af vítapunktinum á 88. mínútu og 1-1 urðu lokatölur.
Leikur enska liðsins batnaði til mikilla muna eftir að Grealish kom af bekknum á 72. mínútu. Þýskaland var þá yfir í leiknum en Harry Kane jafnaði af vítapunktinum á 88. mínútu og 1-1 urðu lokatölur.
„Grealish breytti leiknum og skyndilega voru varnarmenn Þýskalands á hælunum," skrifar Phil McNulty hjá BBC.
„England náði að finna ferskan kraft seint í leiknum og það var hinum líflega Grealish að þakka, hann kom með mikinn drifkraft á vinstri vænginn. Hann var líklega óheppinn að fá ekki byrjunarliðssæti frekar en Mason Mount sem virkaði þreyttur. Grealish á klárlega að byrja næsta landsleik Englands."
England fær Ítalíu í heimsókn á Molineux völlinn á laugardag.
Athugasemdir