Jón Dagur í liði umferðarinnar

Jón Dagur Þorsteinsson, leikmaður AGF, er í liði umferðarinnar í dönsku úrvalsdeildinni.

Jón Dagur skoraði eina markið þegar AGF lagði Lyngby 1-0 á sunnudaginn.

Þetta var annar leikur AGF eftir vetrarfrí en liðið er í 3. sæti í dönsku úrvalsdeildinni, þremur stigum á eftir toppliði Bröndby.

Jón Dagur hefur komið við sögu í öllum fimmtán leikjum AGF á tímabilinu og skorað fimm mörk.