Ítalía um helgina - Spenna á öllum vígstöðum

Það er rosaleg spenna á öllum vígstöðum í ítölsku deildinni. Milan þarf á kraftaverki að halda til að ná Evrópusæti en liðið fær Bologna í heimsókn í kvöld.

Juventus er í 4. sæti með jafn mörg stig og Roma og Lazio sem eru í sætunum fyrir neðan. Juventus heimsækir Lazio á morgun. Roma heimsækir Atalanta, sem er fimm stigum á undan Roma, á mánudaginn.

Napoli er á toppnum með þriggja stiga forystu á Inter. Napoli fær Genoa í heimsókn og Inter heimsækir Torino. Það er Íslendingaslagur þegar Venezia fær Fiorentina í heimsókn en Venezia berst um að halda sæti sínu í deildinni á meðan Fiorentina berst í Evrópubaráttunni.

Íslendingalið Lecce er einu stigi frá fallsæti en liðið heimsækir Verona.