Halldór Snær.
Það vakti athygli í gær að Halldór Snær Georgsson stóð vaktina í marki Fjölnis þegar liðið tók á móti Gróttu í Egilshöll. Leikurinn var liður í 6. umferð Lengjudeildarinnar.
Sigurjón Daði Rúnarsson er aðalmarkvörður Fjölnis og var valinn besti leikmaður 5. umferðar hér á Fótbolti.net. Hann var á bekknum í gær.
Sigurjón Daði Rúnarsson er aðalmarkvörður Fjölnis og var valinn besti leikmaður 5. umferðar hér á Fótbolti.net. Hann var á bekknum í gær.
Lestu um leikinn: Fjölnir 2 - 2 Grótta
Úlfur Arnar Jökulsson var í viðtali eftir leik spurður út í þessa ákvörðun. Halldór er í U19 landsliðinu sem er á leið til Möltu. Hafði ákvörðunin að byrja Halldóri eitthvað með valið að gera?
„Nei. Sigurjón var að taka sveinspróf í dag og það var krefjandi verkefni. Við gáfum honum fókus í það, langur dagur í dag og tveir langir dagar framundan í viðbót hjá honum. Það er erfitt kannski að vera með hausinn á fullu í því og þurfa svo að mótivera sig í leik. Við búum bara svo vel að eiga tvo frábæra markmenn. Þetta var frábært tækifæri til að leyfa Dóra að spila."
Úlfur hefði líka viljað sjá Júlíus Mar Júlíusson í hópnum.
„Hann átti að vera þarna að mínu mati en ég ber virðingu fyrir vali landsliðsþjálfarans og segi áfram Ísland," sagði Úlfur.
Júlíus Mar hefur byrjað alla sex leiki Fjölnis til þessa.
Athugasemdir
