Byrjunarlið Víkings og ÍBV: Lykilmenn í leikbanni - Sex breytingar frá skellinum í Sviss

Sölvi Geir Ottesen, þjálfari Víkings, gerir sex breytingar á sínu liði frá leiknum í Sviss.

Þeir Viktor Örlygur Andrason, Róbert Orri Þorkelsson, Daði Berg Jónsson, Davíð Örn Atlason, Valdimar Þór Ingimundarson og Ármann Ingi Finnbogason koma inn í liðið.

Þeir Sveinn Gísli Þorkelsson, Aron Elís Þrándarson, Karl Friðleifur Gunnarsson og Stígur Diljan Þórðarson taka sér sæti á bekknum. Daníel Hafsteinsson er þá utan hóps ásamt Oliver Ekroth sem fékk rautt spjald í síðasta deildarleik gegn ÍA og er því í leikbanni í dag.

Aleksandar Linta, þjálfari ÍBV, gerir fjórar breytingar á sínu liði frá leiknum gegn Fram.

Omar Sowe kemur inn í liðið eftir að hafa tekið út tveggja leikja leikbann. Sesar Örn Harðarson, Eiður Atli Rúnarsson og Róbert Elís Hlynsson koma þá líka inn í liðið.

Þá taka Bjarki Björn Gunnarsson og Felix Örn Friðriksson út leikbann í dag vegna uppsafnaðra gulra spjalda. Halldór Jón Sigurður Þórðarson tekur sér sæti á bekknum og Hermann Þór Ragnarsson er utan hóps.