Jón Þór hrósar Darra markverði: Öruggur í öllu

Jón Þór segir að Stjarnan hafi verið óheppin að skora ekki fleiri mörk

„Já já, það myndi ég segja. Við erum einum fleiri megnið af leiknum og pínu klaufar og óheppnir að bæta ekki við mörkum. Hefði átt að vera öruggari sigur en svona er þetta stundum og tökum þessi þrjú stig og höldum áfram."

„Leikurinn byrjaði svolítið, baráttuleikur með að byrja með. Mér fannst við vera klárir í það og mæta því. Gefum fá færi á okkur, sköpum okkur helling af færum eftir að þeir missa mann út af en náðum ekki að nýta það nægilega vel, svona er það bara."

„Keflvíkingar voru gríðarlega þéttir, vinnusamir og börðust eins og ljón hérna eftir að hafa lent undir í leiknum. Það var alveg til fyrirmyndar hjá þeim og Keflvíkingar eiga góðu gengi að fagna í deildinni. Eru með sjálfstraust og það er erfitt að spila á móti þannig liði. Við vissum alveg nákvæmlega hvernig við myndum fá Keflavíkurliðið hérna."

Ari Leifsson byrjaði sinn fyrsta leik fyrir Stjörnuna og Darri Bergmann byrjaði í staðinn fyrir Árna Snæ, sem er nýbúinn að gifta sig.

„Virkilega góðar. Darri var öruggur í öllu sem hann gerði og Ari kemur inn með presence, fín frammistaða hjá þeim."