U19 ára landslið Íslands mætti Ítalíu í dag í undankeppni EM 2022 en þetta var annar leikur liðsins. Sá fyrsti vannst gegn Slóveníu á miðvikudeginum síðasta.

Liðið mætti Ítalíu í dag og var byrjunarliðið óbreytt frá síðasta sigurleik. Ítalir reyndust hins vegar vera of stór biti fyrir Ísland í dag en leiknum lauk með 3-0 tapi.

Staðan var 1-0 í hálfleik en í þeim síðari bættu ítalir við tveimur mörkum og þar við sat.

Næsti leikur liðsins er gegn Litháen eftir þrjá daga.