Hvað varð um ítalska risann?

Fyrir tuttugu árum síðan var ítalska landsliðið stútfullt af stórstjörnum. Alessandro Del Piero, Francesco Totti, Andrea Pirlo og auðvitað fyrirliðinn Fabio Cannavaro, sem lyfti heimsmeistarabikarnum eftir frækinn sigur á Frakklandi. Þar áður varstu með Paolo Maldini, Roberto Baggio og fleiri.

Í dag hefur Ítalía hins vegar misst af þremur heimsmeistaramótum í röð og þegar landsliðshópar eru kynntir má oftar en ekki finna þar nöfn sem almennir fótboltaáhugamenn utan Ítalíu kannast lítið við. Björn Már Ólafsson, sérfræðingur um ítalska fótboltann, rýnir í stöðuna, nýja kynslóð leikmanna og framtíð ítalska landsliðsins.