Pep Guardiola, stjóri Manchester City, leitaði að Fred, miðjumanni Manchester United, til þess að hughreysta hann eftir leikinn. Fred varð fyrir kynþáttaníð af stuðningsmanni City á meðan leiknum stóð.
Myndband hefur gengið á netinu af stuðningsmanni City þar sem hann er með kynþáttaníð í áttina að Fred og Jesse Lingard, þegar þeir voru upp við hornfánann og ætluðu að fara framkvæma hornspyrnu á 68. mínútu leiksins. Einnig köstuðu stuðningsmenn City kveikjurum í áttina að þeim og einn svoleiðis hitti Fred.
ESPN segir að þegar Guardiola var búinn að sinna fjölmiðlum þá fór hann að leita að Fred til þess að ræða við hann um málið og hughreysta leikmanninn.
Fred sagði í samtali við brasilíska fjölmiðla að því miður séu kynþáttafordómar alltof algengir í nútímasamfélagi.
Athugasemdir
