Byrjunarlið West Ham og Wolves: Verður stjóri rekinn?

Hér er mikið undir þar sem bæði lið hafa verið að spila undir væntingum á tímabilinu og þjálfararnir báðir í hættu á að missa starfið sitt.

Julen Lopetegui gerir tvær breytingar frá 3-1 tapi gegn nýliðum Leicester í síðustu umferð, þar sem Emerson Palmieri og Crysencio Summerville koma inn í byrjunarliðið.

Summerville kemur inn fyrir Michail Antonio sem lenti í hryllilegu bílslysi og mun Jarrod Bowen leiða sóknarlínu Hamranna. Jean-Clair Todibo er ekki í hóp vegna meiðsla.

Gary O'Neil gerir einnig tvær breytingar frá 4-0 tapi gegn Everton í síðustu umferð, þar sem Nelson Semedo og Sam Johnstone koma inn í byrjunarliðið fyrir Goncalo Guedes og Jose Sá.

Semedo fer inn í varnarlínuna og stígur Mario Lemina aftur upp á miðjuna eftir að hafa spilað sem miðvörður vegna manneklu í síðustu leikjum.

Bæði lið eru búin að tapa tveimur leikjum í röð en það eru sex stig sem skilja liðin að í neðri hluta deildarinnar. West Ham er með 15 stig á meðan Wolves er í fallsæti með 9 stig.

West Ham: Fabianski; Wan-Bissaka, Kilman, Mavropanos, Emerson; Soucek, Alvarez, Soler; Kudus, Bowen, Summerville
Varamenn: Areola, Cresswell, Coufal, Paqueta, Fullkrugg, Guilherme, Ings, Rodriguez, Todibo

Wolves: Johnstone; Semedo, Bueno, Toti; Doherty, Andre, Lemina, J.Gomes, Ait-Nouri; Cunha, Strand Larsen
Varamenn: Bentley, Hwang, Dawson, R.Gomes, Doyle, Forbs, Bellegarde, Guedes, Lima