Liam John Michael Killa hefur verið ráðinn aðstoðarþjálfari hjá Uppsveitum fyrir komandi keppnistímabil en liðið leikur í 4. Deildinni.
Killa hefur mikla reynslu sem leikmaður úr neðri deildunum hér á landi en hann á að baki 121 leik í annari, þriðju og fjórðu deild. Hann hefur spilað með ÍH, Magna, Ægi og Hamar. Ekki er búið að ákveða hvort Killa muni einnig spila með liðinu en það kemur í ljós síðar meir.
Þá hafa tveir leikmenn gengið til liðs við félagið en það eru þeir Pétur Geir Ómarsson og Óliver Jóhannsson.
Pétur Geir er þrítugur framherji sem kemur frá Hamri. Þar hefur hann spilað frá árinu 2018 en þar á undan lék hann með Kóngunum og Kára. Hann á að baki 74 leiki í meistaraflokki.
Óliver kemur frá KF en hann hefur spilað með liðinu frá árinu 2019. Hann lék 17 leiki fyrir félagið í 3.deildinni sumarið 2019 en þá komst KF upp um deild. Hann lék tíu leiki í annari deildinni síðasta sumar. Óliver eru uppalinn á Vopnafirði.
Sigurður Donys Sigurðsson tók við Uppsveitum í síðasta mánuði.
Athugasemdir