Manchester City 2 - 0 Everton
1-0 Erling Haland ('71 )
2-0 Erling Haland ('85 )
Englandsmeistararnir í Manchester City tóku á móti Everton í hádegisleiknum í dag en heimamenn voru í stökustu vandræðum með að brjóta upp vörn gestanna.
Staðan var markalaus í hálfleik en Everton varðist mjög djúpt á vellinum og gaf engin færi á sér. Þegar fyrri hálfleiknum lauk átti Man City ekki eina einustu tilraun á mark Everton.
Sama var upp á teningnum í framan af síðari hálfleik en fyrsta tilraun City á markið kom á 71. mínútunni og þá fór boltinn í netið. Það var Erling Haaland sem skoraði það með hægri fótar skoti eftir klafs í teignum. Mögulega átti Jordan Pickford að gera betur í marki Everton.
City náði að tvöfalda forystuna fimm mínútum fyrir leikslok en þá var Haaland aftur á ferðinni. Hann skoraði eftir góða skyndisókn þar sem Kevin De Bruyne, sem kom inn á sem varamaður, átti stoðsendinguna á Haaland.
Góður sigur hjá Man City staðreynd og er liðið nú á toppnum með einu stigi meira heldur en Liverpool þegar 23 umferðir eru búnar. Everton er í átjánda sætinu.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 3 | 3 | 0 | 0 | 9 | 2 | +7 | 9 |
| 2 | Liverpool | 3 | 3 | 0 | 0 | 7 | 0 | +7 | 9 |
| 3 | Brighton | 3 | 2 | 1 | 0 | 6 | 2 | +4 | 7 |
| 4 | Arsenal | 3 | 2 | 1 | 0 | 5 | 1 | +4 | 7 |
| 5 | Newcastle | 3 | 2 | 1 | 0 | 4 | 2 | +2 | 7 |
| 6 | Brentford | 3 | 2 | 0 | 1 | 5 | 4 | +1 | 6 |
| 7 | Aston Villa | 3 | 2 | 0 | 1 | 4 | 4 | 0 | 6 |
| 8 | Bournemouth | 3 | 1 | 2 | 0 | 5 | 4 | +1 | 5 |
| 9 | Nott. Forest | 3 | 1 | 2 | 0 | 3 | 2 | +1 | 5 |
| 10 | Tottenham | 3 | 1 | 1 | 1 | 6 | 3 | +3 | 4 |
| 11 | Chelsea | 3 | 1 | 1 | 1 | 7 | 5 | +2 | 4 |
| 12 | Fulham | 3 | 1 | 1 | 1 | 3 | 3 | 0 | 4 |
| 13 | West Ham | 3 | 1 | 0 | 2 | 4 | 5 | -1 | 3 |
| 14 | Man Utd | 3 | 1 | 0 | 2 | 2 | 5 | -3 | 3 |
| 15 | Leicester | 3 | 0 | 1 | 2 | 3 | 5 | -2 | 1 |
| 16 | Crystal Palace | 3 | 0 | 1 | 2 | 2 | 5 | -3 | 1 |
| 17 | Ipswich Town | 3 | 0 | 1 | 2 | 2 | 7 | -5 | 1 |
| 18 | Wolves | 3 | 0 | 1 | 2 | 3 | 9 | -6 | 1 |
| 19 | Southampton | 3 | 0 | 0 | 3 | 1 | 5 | -4 | 0 |
| 20 | Everton | 3 | 0 | 0 | 3 | 2 | 10 | -8 | 0 |
