Fótbolti.net

Eggert Gunnþór: Ríkjandi bikarmeistarar og við vissum alltaf að þetta yrði erfitt

Keppni sem okkur þykir vænt um - „Stefnum bara á Laugardalsvöll"

Jakob Gunnar skoraði gegn gömlu félögunum - „Skrítið en mjög skemmtilegt"

Hallgrímur Mar um innkomu Römer: Eins gott og það gat verið

Viktor Elmar: Er flottur leikmaður, þó ég segi sjálfur frá

Gunnar Már um fyrstu mánuðina: Þetta hefur verið brekka

Dóri Árna um Damir: Innan við eitt prósent líkur á því

Rúnar Páll: Ég ætlaði að taka mér pásu frá þjálfun

Haukur Andri: Maður ætlar sér klárlega aftur út

Ian Jeffs: Meira svekktur með frammistöðuna en úrslitin

Viktor Jóns: Ég elskaði að spila með Hinriki

Bjarni Jó: Bara eitt Hafnarfjarðarlið eftir

Vildi koma aftur í KA: Félag á uppleið og gaman að vera hluti af því

Marcel Römer: Þarf ekki að hafa áhyggjur af mér, ég er með þetta allt í höfðinu

Eru eins og fjölskylda í Ólafsvík - „Elska þetta land"

Gylfi: Þeir áttu þetta bara skilið

Brynjar Árna: Erfitt en gaman að máta sig við þá

Oliver Heiðars: Sætt að kasta þeim út og hefna mín aðeins

Magnús Már: Gaman að sjá hann leggja upp á yngri bróður sinn

Elmar Cogic: Sagði við hann fyrir leik að hann myndi skora

mið 10. júlí 2024 16:45

Guðmundur Aðalsteinn Ásgeirsson
Laugardalsvelli

Alexandra enn samningslaus en vonast til að vera áfram

Alexandra Jóhannsdóttir.

Mynd: Fótbolti.net - Hafliði Breiðfjörð

'Það væri sætt að tryggja þetta heima og enn sætara á móti Þýskalandi'

Mynd: Jónína Guðbjörg Guðbjartsdóttir

„Það verður gaman að spila á móti Þýskalandi og Pólverjum. Þetta verður bara gaman," sagði landsliðskonan Alexandra Jóhannsdóttir í samtali við Fótbolta.net fyrir æfingu Íslands í dag.

Framundan eru tveir síðustu leikirnir í undankeppni EM. Ísland mætir Þýskalandi á Laugardalsvelli föstudaginn 12. júlí og Póllandi ytra þriðjudaginn 16. júlí. Ísland er í öðru sæti þegar tveir leikir eru eftir af undankeppninni. Tvö efstu liðin fara áfram beint í lokakeppni EM 2025.

„Ég hefði viljað sex stig úr síðasta glugga, en það var líka frábært að taka fjögur stig. Við förum inn í þetta verkefni með yfirhöndina," sagði Alexandra en Ísland þarf einn sigur í næstu tveimur leikjum til að tryggja EM-sætið. Næst er það Þýskaland á heimavelli á föstudaginn og þar er möguleiki.

„Það væri sætt að tryggja þetta heima og enn sætara á móti Þýskalandi," sagði Alexandra.

„Við höfum spilað á móti þeim svolítið oft seinasta árið. Við erum farnar að þekkja þær ágætlega. Ég er tilbúin í alvöru baráttu. Við þurfum að verjast fyrirgjöfum þeirra vel, þær eru flottar í þeim. Svo eru þær veikar í skyndisóknum og við erum ágætar í þeim. Við þurfum að nýta okkur það."

„Við þurfum að vera þolinmóðar þegar við erum ekki með boltann, leyfa þeim að hafa hann þarna aftast. Þær eru ekki að fara að skora frá miðlínu. Við þurfum að verjast fyrirgjöfum þeirra vel og sækja á þær þegar færi gefst."

Er samningslaus þessa stundina
Alexandra, sem er 24 ára, var að klára sitt annað tímabil með Fiorentina á Ítalíu. Hún er samningslaus þessa stundina en langar að vera áfram hjá félaginu.

„Okkur gekk vel en við hefðum viljað vinna úrslitaleikinn í bikarnum. Þetta var bara flott tímabil," segir Alexandra.

„Fótboltinn er flottur í ítölsku deildinni, hann er á svakalegri uppleið. Það er gaman að vera partur af því. Mér líður voðalega vel og ég vonast til að vera áfram. Ég er enn samningslaus þannig ég veit ekki."

„Ég vonast til að vera áfram. Mér líður voðalega vel hjá Fiorentina. Við erum að fara í Meistaradeildina og það er stór gluggi þar líka," sagði landsliðskonan að lokum.

Hægt er að sjá allt viðtalið í spilaranum hér að ofan.