Chris Brazell: Þeir spiluðu eins og þeir væru að berjast fyrir lífi sínu

„Ég vissi ekki alveg við hverju ég átti að búast eftir hléið og miðað við stöðuna hjá liðinu og félaginu. Ég vonaðist eftir betri frammistöðu. Við undirbjuggum okkur vel fyrir leikinn en fyrri hálfleikurinn var einfaldlega ekki nógu góður.“

Valsmenn sýndu meiri kraft í síðari hálfleik en Chris sagði erfitt að taka margt jákvætt úr leiknum.

„Við sýndum karakter í seinni hálfleik og náðum að svara fyrir okkur. En ég er fyrst og fremst vonsvikinn með fyrri hálfleikinn. Ég vona að við sýnum meira af því sem við gerðum í þeim síðari á síðustu 180 mínútum tímabilsins.“

Aðspurður um hvað hefði skilið liðin að var Chris skýr.

„Vilji og hungur, ef ég á að vera hreinskilinn. FH gerir ýmsa hluti vel taktískt en á milli vítateiganna var leikurinn nokkuð jafn. Þegar kom að því að hlaupa, vinna návígi og gera einföldu hlutina rétt voru þeir miklu betri en við. Þeir áttu sigurinn skilið.“

Chris sagði FH hafa spilað góðan fótbolta í sumar og að staða liðsins í deildinni gæfi mögulega ekki rétta mynd af frammistöðunni.

„Einhver sagði við mig eftir leikinn að annað liðið hefði spilað eins og það vildi að tímabilið væri búið en hitt eins og það væri að berjast fyrir lífi sínu. Mér fannst það lýsa leiknum vel.“

Chris mun ekki stýra Val á næsta tímabili en hann vill sjá betri frammistöðu í síðustu tveimur leikjunum.

„Það er enn eitthvað að spila fyrir, hvort sem það er stoltið eða eitthvað annað. Ég get reynt að kveikja í leikmönnunum en þeir þurfa líka að finna hvatninguna innra með sér. Vonandi var þessi leikur ákveðin vakning og við sýnum mun betri frammistöðu í næsta leik.“