Gils: Ekkert slæmt að „droppa“ Hólmari tvisvar

„Bara mjög sáttur með leikinn. Við vorum mjög sterkir en fengum á okkur mark strax í byrjun seinni hálfleiks og fórum aðeins niður. Við gáfum hins vegar strax í aftur og kláruðum leikinn.“

FH-ingar voru sterkir í fyrri hálfleik og náðu góðum tökum á leiknum.

„Við spiluðum okkar bolta og vorum ekki mikið að fara í langa bolta. Við náðum að spila okkur í gegnum þá og klára færin okkar.“

Gils skoraði þrennu í leiknum og var að vonum ánægður með eigin frammistöðu.

„Já, bara mjög ánægður. Ég ætlaði mér að klára færin og það var fínt að ná þrennu.“

Þrátt fyrir sigurinn fannst honum óþarfi að fá á sig þrjú mörk.

„Mér fannst við kannski geta lokað betur á miðjunni í einu markinu. En við vorum búnir að klára leikinn. Auðvitað er leiðinlegt að fá á sig mörk.“

FH er nú í virkilega góðri stöðu í baráttunni um að halda sæti sínu í Bestu deildinni og sætið eiginlega tryggt.

„Við erum með gott lið og hefðum getað náð í fleiri stig í sumar. Við eigum tvo leiki eftir og ætlum að klára þetta vel.“

Viðtalið í heild sinni er hér fyrir ofan