Þýskaland: Leverkusen eina taplausa liðið í topp fimm deildunum

Það var hörku leikur á dagskrá í þýska boltanum rétt í þessu en þar mættust liðin í fyrsta og þriðja sæti deildarinnar.

Bayer Leverkusen er á toppnum og er enn taplaust. Liðið gat bætt við forskot sitt á toppnum eftir að Bayern Munchen steinlá í gær gegn Eintracht Frankfurt.

Heimamenn í Stuttgart byrjuðu betur og var það Chris Fuhrich sem kom þeim yfir seint í fyrri hálfleiknum. Bayer jafnaði metin strax í byrjun seinni hálfleiksins með marki frá Florian Wirtz og þar við sat.

Xabi Alonso og lærisveinar hans eru eina taplausa liðið í topp fimm deildunum en liðið er með fjögurra stiga forskot á Bayern Munchen. Þýsku meistararnir hafa þó spilað einum leik færra.