Þór og FH áttust við í síðasta leiknum í riðli þrjú í A-deild Lengjubikarsins í Boganum í kvöld.

Þór gat komist áfram með sigri en það vantaði marga lykilmenn í lið FH og þá var Davíð Þór Viðarsson, yfirmaður fótboltamála hjá FH, þjálfari liðsins í kvöld í fjarveru Heimis Guðjónssonar, aðalþjálfara, og Kjartans Henrys Finnbogasonar aðstoðarþjálfara.

FH tefldi fram mjög óreyndu liði í leiknum, margir hvildir eftir tvo leiki í síðustu viku og mörg ný nöfn í byrjunarliðinu. Þar voru þó þeir Birkir Valur Jónsson (fyrirliði liðsins í leiknum), Bragi Karl Bjarkason og uppaldi Þórsarinn Bjarni Guðjón Brynjólfsson.

Þór komst í 1-0 í leiknum með marki frá Sigfúsi Fannari Gunnarssyni en næstu tvö mörk skoruðu gestirnir og þar var á ferðinni hinn efnilegi Gils Gíslason sem var á láni hjá ÍR seinni hluta síðasta tímabils. Staðan var 1-1 í leikhléi.

Eftir seinna mark Gils jafnaði Sigfús Fannar leikinn með sínu öðru marki.

Úrslit leiksins gera það að verkum að aðeins markatalan skilur Þór og ÍR að sem en Breiðhyltingar fara áfram, góður greiði frá Gils til hans fyrrum liðsfélaga þar.

ÍR mætir Val í undanúrslitum keppninnar eftir viku.

Þór Aron Birkir Stefánsson (m), Ásbjörn Líndal Arnarsson (70'), Juan Guardia Hermida (60'), Ragnar Óli Ragnarsson, Orri Sigurjónsson (46'), Aron Ingi Magnússon, Einar Freyr Halldórsson, Kristófer Kristjánsson (87'), Sverrir Páll Ingason (60'), Sigfús Fannar Gunnarsson, Ingimar Arnar Kristjánsson
Varamenn Clement Bayiha (70'), Atli Þór Sindrason (60'), Haukur Leo Þórðarson (87'), Vilhelm Ottó Biering Ottósson (46'), Nökkvi Hjörvarsson (60'), Kjartan Ingi Friðriksson, Franko Lalic (m)

FH Daði Freyr Arnarsson (86') (m), Birkir Valur Jónsson (64'), Ísak Eldur Ófeigsson (86'), Bjarni Guðjón Brynjólfsson, Ísak Atli Atlason (75'), Ketill Orri Ketilsson, Gils Gíslason, Konrad Höj Madsson (86'), Bragi Karl Bjarkason, Allan Purisevic, Arngrímur Bjartur Guðmundsson
Varamenn Alonso Karl Castillo (86), Ásgeir Steinn Steinarsson (75), Brynjar Valur Birgisson (64), Sigurður Hákon Halldórsson, Hilmar Karlsson (86) (m)