Óttar Magnús Karlsson er kominn með tvö mörk í þremur leikjum fyrir Víking Reykjavík eftir heimkomuna. Hann skoraði tvö í sigrinum gegn ÍBV og var valinn maður leiksins.
Lestu um leikinn: Víkingur R. 3 - 1 ÍBV
„Við þjöppuðum okkur saman eftir síðasta leik og vorum á okkar degi. Við hefðum getað klárað þennan leik fyrr en stigin voru þrjú og við erum sáttir með það," segir Óttar.
Eru Víkingar ekki of góðir til að vera í fallbaráttu í þessari deild?
„Það er hættulegt að segja svoleiðis hluti. Við erum með gott lið og ætlum að halda okkur uppi. Við ætlum að komast vel upp töfluna."
Óttar segir að heimkoman hafi verið góð og það hjálpi sér að koma inn í svona leikstíl eins og einkennir Víkinga.
„Það er æðislegt að vera uppi á topp. Við erum með vel spilandi leikmenn og það er gaman að vera partur af þessu."
Í viðtalinu var Óttar einnig spurður út í markmið varðandi markaskorun og komandi undanúrslitaleik í bikarnum, sem verður gegn Breiðabliki.
Athugasemdir