Komið ótrúlega sterkur inn síðan hann kom frá Póllandi

Oliver og Ísak hafa myndað frábært miðvarðapar hjá FH

Oliver Stefánsson hefur komið gríðarlega öflugur inn í lið FH.

Mynd: Fótbolti.net - Hafliði Breiðfjörð

Oliver Stefánsson hefur komið gríðarlega öflugur inn í lið FH.

Mynd: Fótbolti.net - Hafliði Breiðfjörð

FH er á góðu skriði í Bestu deildinni, liðið er taplaust í níu leikjum í deildinni og komst upp úr fallsæti með því að sigra KA í síðustu umferð. Í Innkastinu var rætt um bætt gengi FH og vel heppnaðar styrkingar.

„Þeir hafa haldið hreinu í fjórum leikjum af síðustu fimm og langt síðan þeir hafa tapað. Mikið af þessu eru jafntefli vissulega en það verður að gefa þeim kredit. Jökull (Andrésson, markvörður) er búinn að vera einn besti leikmaður deildarinnar að undanförnu," segir Gunnar Jarl Jónsson.

„Jóhannes Kristinn (Bjarnason, sem kom á láni frá Víkingi) hefur komið sterkur inn, fær að spila sína stöðu á miðjunni, og það er búið að styrkja liðið. Það virðist vera meiri stemning og meiri eining í liðinu. Ef ég væri FH-ingur væri ég nokkuð bjartsýnn á næstu leiki. Þeir eru þéttir og geta verið helvíti sáttir með þessa útkomu á Akureyri."

„Það má ekki gleyma að minnast á þátt Olivers Stefánssonar. Eftir að hann kom inn hefur liðið fengið á sig eitt mark. Hann og Ísak Óli (Ólafsson) hafa myndað frábært miðvarðapar. Oliver hefur komið ótrúlega sterkur inn síðan hann kom frá Póllandi," segir Gunnar.

Oliver, sem er 24 ára miðvörður, gekk í raðir FH í lok júní eftir að hafa rift samningi sínum við pólska félagið GKS Tychy.

Innkastið - KR getur orðið Íslandsmeistari

Stöðutafla

#	Lið	L	mun	Stig
1	Víkingur R.	18	+42	45
2	KR	18	+25	39
3	Fram	18	+11	37
4	Breiðablik	18	+6	29
5	Valur	18	-5	22
6	ÍA	18	-6	22
7	Keflavík	18	-6	22
8	Stjarnan	18	-10	21
9	ÍBV	18	-9	17
10	FH	18	-10	17
11	KA	18	-12	15
12	Þór	18	-26	15