Hilmar Árni Halldórsson, leikmaður Stjörnunnar.
Breiðablik leikur gegn FH og Valur mætir Víkingi.
Pepsi Max-deild karla fer aftur á fleygiferð á sunnudaginn en óhætt er að segja að gómsætur sunnudagur sé framundan með þremur stórleikjum.
Mega ekki við því að tapa stigum
Íslandsmeistarar KR taka á móti Stjörnunni klukkan 14:00 og Rúnar Kristinsson, þjálfari KR, talar um leikinn sem hálfgerðan úrslitaleik.
„Við þurfum að vera góðir á sunnudaginn því Stjarnan er með frábært lið. Við erum á sama stað í deildinni og hvorugt liðið má eiginlega við því að tapa stigum til að taka þátt í toppbaráttunni. Þetta verður hörkuleikur," segir Rúnar Kristinsson.
Nafni hans, Rúnar Páll Sigmundsson, þjálfari Stjörnunnar er borubrattur fyrir leikinn.
„Það verður gaman að fara á Meistaravellina og taka þrjú stig," sagði Rúnar Páll í viðtali eftir að Stjarnan tapaði gegn FH í bikarnum í gær.
Mega ekki við því að tapa stigum
Íslandsmeistarar KR taka á móti Stjörnunni klukkan 14:00 og Rúnar Kristinsson, þjálfari KR, talar um leikinn sem hálfgerðan úrslitaleik.
„Við þurfum að vera góðir á sunnudaginn því Stjarnan er með frábært lið. Við erum á sama stað í deildinni og hvorugt liðið má eiginlega við því að tapa stigum til að taka þátt í toppbaráttunni. Þetta verður hörkuleikur," segir Rúnar Kristinsson.
Nafni hans, Rúnar Páll Sigmundsson, þjálfari Stjörnunnar er borubrattur fyrir leikinn.
„Það verður gaman að fara á Meistaravellina og taka þrjú stig," sagði Rúnar Páll í viðtali eftir að Stjarnan tapaði gegn FH í bikarnum í gær.
Aftur fótboltaveisla?
Á Kaplakrikavelli tekur FH á móti Breiðabliki klukkan 16 en Kópavogsliðið er í öðru sæti.
„FH hefur náð góðum úrslitum undir stjórn nýrra þjálfara og eru svo sannarlega erfiðir andstæðingar. Við þurfum að vera klárir á sunnudaginn," segir Óskar Hrafn Þorvaldsson, þjálfari Breiðabliks.
Það var fótboltaveisla á boðstólnum þegar þessi lið áttust við í júlí en þá enduðu leikar 3-3. Vonandi verður skemmtanagildið það sama á sunnudaginn.
Undir ljósunum á Hlíðarenda
Um kvöldið leikur svo topplið Vals gegn bikarmeisturum Víkings undir flóðljósunum á Hlíðarenda.
„Það er hörkuleikur framundan og við verðum að undirbúa okkur mjög vel, Víkingur er með hörkulið," segir Tufa, aðstoðarþjálfari Vals.
Þessi viðureign á síðasta ári er eftirminnileg, 3-3 í geggjuðum opnunarleik. Víkingar eiga harma að hefna frá því í júlí þegar þeir töpuðu 1-5 gegn Val á heimavelli.
sunnudagur 13. september
14:00 KR-Stjarnan (Meistaravellir)
16:00 KA-Fylkir (Greifavöllurinn)
16:30 FH-Breiðablik (Kaplakrikavöllur)
19:15 HK-ÍA (Kórinn)
20:00 Valur-Víkingur R. (Origo völlurinn)
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
