Championship: Tíu Dýrlingar héldu út í baráttunni um suðurströndina

Southampon marði 1-0 sigur á Portsmouth í suðurstrandaslag í 9. umferð ensku B-deildarinnar á St. Mary´s leikvanginum í dag.

James Bree skoraði sigurmarkið eftir tuttugu mínútna leik er hann fékk sendingu frá Finn Azaz, lærisivein Heimis Hallgrímssonar í írska landsliðinu, og skoraði Bree með yfirvegaðri afgreiðslu.

Undir lok hálfleiksins sá Cameron Bragg, leikmaður Southampton, sitt annað gula spjald. Bæði spjöldin fremur heimskuleg og heimamenn manni færri.

Portsmouth pressaði í þeim síðari. Adrian Segecic átti skot rétt framhjá markinu og þá björguðu heimamenn á línu nokkrum mínútum síðar.

Það merkilega við þennan grannaslag er að hvorugt liðanna hafði tekist að vinna hvort annað í deildinni 21 ár eða síðan Portsmouth vann Southampton á Fratton Park árið 2005.

Það breyttist í dag því Southampton tókst að halda þetta út og fagna sigri en liðið er nú í 11. sæti með 13 stig á meðan Portsmouth er í 19. sæti með 8 stig.