„Þessi heimskulega Þjóðadeild er brandari ársins“

Hoeness gagnrýnir UEFA harðlega fyrir skipulag landsleikjanna og segir fáránlegt að Þjóðadeildin fari fram svo skömmu eftir HM.

Hann segir hléið gera félögunum erfitt fyrir að ná takti og sér lítinn tilgang með keppninni.

„Við verðum einna verst úti eftir þetta langa heimsmeistaramót því leikmenn okkar komu mjög seint til baka og þurftu svo að fara í frí.“

„Það er algjör katastrófa hjá UEFA að setja inn tveggja vikna landsleikjahlé aðeins fjórum vikum eftir að þýska deildin hófst. Átján leikmenn voru á ferðinni með landsliðum sínum og því fullkomlega eðlilegt að við skyldum missa taktinn.“

„Við þurfum að standa með félaginu. Það eru félögin sem borga leikmönnum laun, ekki landsliðin. Að halda svona heimskulega keppni eins og Þjóðadeildina er brandari ársins,“ sagði Hoeness.