Varnarmaðurinn Sverrir Ingi Ingason.
Rafael Benítez.
„Það er alltaf öðruvísi að spila á útivelli í svona keppnum, þetta verður virkilega efiður leikur en við erum komnir hingað til að vinna leikinn og koma okkur í góða stöðu fyrir leikinn á sunnudaginn," segir Sverrir Ingi Ingason, varnarmaður íslenska landsliðsins.
Ísland þarf sigur gegn Aserbaísjan á fimmtudaginn til að vera öruggt með úrslitaleik gegn Úkraínu í lokaumferðinni í næstu viku, um sæti í umspilinu um sæti á HM.
„HM í Bandaríkjunum, Mexíkó og Kanada. Þetta verður alvöru mót og við viljum vera þarna. Við erum núna í fínni stöðu til að koma okkur í leiki í mars um hvort við komumst þangað. Það er mikilvægt að við byrjum núna á fimmtudaginn að sækja góð úrslit og halda draumnum lifandi."
Ísland þarf sigur gegn Aserbaísjan á fimmtudaginn til að vera öruggt með úrslitaleik gegn Úkraínu í lokaumferðinni í næstu viku, um sæti í umspilinu um sæti á HM.
„HM í Bandaríkjunum, Mexíkó og Kanada. Þetta verður alvöru mót og við viljum vera þarna. Við erum núna í fínni stöðu til að koma okkur í leiki í mars um hvort við komumst þangað. Það er mikilvægt að við byrjum núna á fimmtudaginn að sækja góð úrslit og halda draumnum lifandi."
Búinn að vera með risalið
Sverrir spjallaði við Fótbolta.net fyrir utan hótel landsliðsins í Bakú. Það var ekki annað hægt en að ræða við hann um hans nýja þjálfara, Rafa Benítez, sem tók við gríska liðinu Panathinaikos nýlega.
„Hann er þriðji þjálfarinn sem ég er með frá því að tímabilið byrjaði. Það er búið að ganga á ýmsu. Hann er búinn að vera með okkur í fjóra leiki og gengið allt í lagi. Það er erfitt fyrir þjálfara að koma svona inn þegar við erum að spila á þriggja daga fresti. Hann er bara að koma vel inn í þetta."
Það var risafrétt þegar Benítez tók við enda gríðarlega stórt nafn í fótboltaheiminum. Hann hefur unnið titla sem stjóri Liverpool, Inter, Chelsea og Napoli og einnig stýrt Real Madrid.
„Þetta er þjálfari sem hefur unnið á hæsta stigi og maður sér það á hans vinnubrögðum af hverju svo er. Ég er spenntur fyrir framhaldinu, Svo er líka gott fyrir mig á þessum tímapunkti að fá þjálfara sem maður getur lært af. Maður þarf bráðlega að fara að hugsa hvað maður fer að gera eftir að maður hættir að spila fótbolta. Vonandi getur maður lært af honum hvernig hann höndlar ýmislegt," segir Sverrir.
„Ef þú horfi á ferilskrá hans er hann búinn að vera með risalið, hefur verið lengi í bransanum og með mikla reynslu."
Sverrir viðurkennir að hafa íhugað að fara mögulega út í þjálfun þegar ferlinum lýkur, þó það sé algjörlega óráðið hvað hann gerir.
„Maður hefur auðvitað hugleitt það. Maður er að verða 33 ára og veit að maður spilar ekki endalaust. Þjálfun er eitthvað sem ég hef áhuga á en það er ekkert ákveðið. Það á bara eftir að koma í ljós," segir Sverrir.
Athugasemdir
