„Þetta hafði blundað í mér í talsverðan tíma enda var það alltaf mín von að framfarir yrðu í knattspyrnunni hér á landi og menn mundu setja meiri fjármagn í uppbyggingu valla og viðhald. Það hefur hins vegar ekkert gerst í þessum málum og í raun afturför ef eitthvað sé," segir Magnús.

„Þar sem mér finnst maður algjörlega staðnaður í starfi og lítill möguleiki á að gera betur en það sem maður hefur nú þegar gert fannst mér réttast að hætta."

Magnús hefur verið mikill talsmaður grasvalla hér á landi en hann fer núna að einbeita sér að öðru eftir tíma sinn í Vesturbænum. Hann þakkar KR fyrir tíma sinn hjá félaginu.