Jurgen Klopp, stjóri Liverpool, vill sjá breytingar á VAR fyrirkomulaginu í ensku úrvalsdeildinni. VAR hefur legið undir gagnrýni á tímabilinu og Klopp vill að kerfið gangi betur.
„Það er hægt að bæta VAR. Þetta verður aldrei 100% öruggt, allir vita það. En það eru nokkrir hlutir sem eru ekki í lagi," sagði Klopp.
„Það er klárt að við þurfum að bæta atvik sem snúa að hendi og rangstöðu í VAR."
„Það komu góðar hugmyndir frá UEFA, hvernig við ættum að laga atriði sem snúa að dómurum og allir eru ákveðnir í að gera það."
„Það verða áfram einhver mistök. Manneskjur stjórna þessu og enginn er fullkominn. Það er enginn að biðja um fullkomnun, þú vilt bara réttar ákvarðanir."
Athugasemdir