Leikur Íslands og Hollands fer fram á Laugardalsvelli á þriðjudaginn í næstu viku. Leikurinn hefst klukkan 18:45.

Í gær var greint frá því að Hlín Eiríksdóttir, leikmaður Piteå í Svíþjóð, hefði farið meidd af velli í leik í sænsku deildinni í gær. Hlín er í landsliðshópnum sem tilkynntur var í síðustu viku. Fótbolti.net heyrði í Þorsteini Halldórssyni í dag og spurði hann út í stöðuna á Hlín.

„Ég talaði við hana í gær, hún er að fara í skoðun klukkan fjögur og þetta lítur vel út allavega eins og staðan er í dag," sagði Þorsteinn.