„Dularfullt hvarf“ Bernardo Silva

Silva byrjaði í þremur af fyrstu fimm deildarleikjum Madrídarliðsins en hefur verið geymdur á bekknum í næstu þremur, þar sem hann kom aðeins inn á seint gegn Atletico Madrid.

Federico Valverde, Aurelien Tchouameni og Eduardo Camavinga eru allir valdir fram yfir hann í leikkerfi Madrid, sem samanstendur af tveimur varnartengiliðum.

„Bernardo Silva er mjög mikilvægur leikmaður fyrir okkur. En þegar hann fer í frí þá vill hann aftengja sig frá öllu. Hann hreyfir sig ekki neitt. Líkamlegt ástand hans er því ekki nægilega gott og hann þarf að bæta það," sagði Mourinho í ágúst.

En spænskir fjölmiðlar telja að líkamlegt Bernardo Silva sé ekki ástæðan fyrir því að hann sé úti í kuldanum, sérstklega í ljósi þess að hann spilaði fyrstu leiki tímabilsins.

„Hann er horfinn, aðeins 15 mínútur samtals fyrir Real Madrid og Portúgal á síðustu 30 dögum. Óvænt og dularfullt mál. Þetta er ráðgáta," er skrifað af AS.

Madrídarliðið er í fjórða sæti deildarinnar, þegar komið sex stigum á eftir Barcelona sem er með fullt hús.