Sjáðu fyrsta landsliðsmark Kötlu

Íslenska liðið hefur gjörsamlega yfirspilað Króatíu og er svo gott sem búið að tryggja sér sæti í úrslitum HM-umspilsins þar sem það mætir annaðhvort Portúgal eða Norður-Írlandi.

Staðan var 2-0 í hálfleik eftir mörk frá Ídu Marín Hermannsdóttur og Hlín Eiríksdóttur.

Snemma í síðari hálfleik bætti Katla við þriðja markinu, sem var jafnframt hennar fyrsta fyrir A-landsliðið.

Hlín vann boltann og átti frábæra sendingu inn á Sveindísi sem var í góðu færi. Hún renndi boltanum til hliðar á Kötlu sem lét ekki bjóða sér það tvisvar og skoraði með skoti undir markvörð Króata.

Markið má sjá hér fyrir neðan.