fös 13. nóvember 2020 11:00
Magnús Már Einarsson
Vinir í ensku úrvalsdeildinni fagna mörkum með því að gera A
Maddison
Maddison
Mynd: Getty Images
Nokkrir leikmenn í ensku úrvalsdeildinni hafa fagnað mörkum á þessu tímabili með því að mynda bókstafinn A með puttunum.

James Maddison, leikmaður Leicester, hefur nú uppljóstrað því að hann ásamt nokkrum öðrum leikmönnum í deildinni séu með hóp á samskiptamiðlinum WhatsApp.

Auk Maddison eru þar Ben Chilwell (Chelsea), Jack Grealish (Aston Villa), Ross Barkley (Chelsea), Dele Alli (Tottenham) og John McGinn (Aston Villa í hópnum.

Maddison, Chilwell, Grealish og Barkley hafa allir fagnað mörkum á tímabilinu með því að taka eins fagn.

„Við erum með lítið hópspjall sem heitir The Avengers," sagði Maddison en það er sagan á bakvið fagnið.

Athugasemdir
banner
banner
banner