lau 14. mars 2020 11:30
Ívan Guðjón Baldursson
Man Utd að vinna kapphlaupið um Zakaria
Powerade
Mynd: Getty Images
Mynd: Getty Images
Mynd: Getty Images
Mynd: Getty Images
Knattspyrnuheimurinn er stopp vegna kórónaveirunnar en Powerade slúðrið er á sínum stað.


Liverpool fær líklegast afhentan Englandsmeistaratitilinn þó ekki verði spilað fleiri leiki á tímabilinu. (Telegraph)

Marcelo Bielsa, stjóri Leeds, ætlar ekki að gefa leikmönnum sínum auka frí vegna kórónaveirunnar. (Daily Mail)

Mörg neðrideildafélög eru í fjárhagsvandræðum vegna kórónaveirunnar. Þúsundir starfa eru í hættu og gætu félögin sem eru verst stödd þurft að lýsa gjaldþroti. (Independent)

Mögulegt er að lið spili aðeins einn leik í stað tveggja í 8-liða og undanúrslitum Meistaradeildarinnar. (Mirror)

Úrvalsdeildarfélög gætu neitað að spila í apríl. Þau hafa áhyggjur af ástandi leikmanna eftir þrjár vikur án þess að spila fótbolta. (Daily Mail)

West Ham og Tottenham Hotspur gætu lent í vandræðum í sumar. Búið er að bóka heimavelli beggja félaga fyrir ýmsa viðburði í júní og júlí. (Mirror)

Arsenal hefur áhuga á Diogo Jota, 23 ára framherja Wolves. (Daily Mail)

Juventus hefur áhuga á Houssem Aouar, 21 árs miðjumanni Lyon. Aouar hreif starfsmenn Juve er liðin mættust í 16-liða úrslitum Meistaradeildarinnar. (Calciomercato)

Chelsea hefur áhuga á Angel Gomes, 19 ára miðjumanni Manchester United. Gomes verður falur á frjálsri sölu þegar samningur hans rennur út í sumar. (Metro)

Man Utd er að vinna kapphlaupið um Denis Zakaria, 23 ára miðjumann Borussia Mönchengladbach. Liverpool, Atletico Madrid og Borussia Dortmund hafa einnig áhuga. (Sky Germany)

Barcelona hefur komist að samkomulagi við Inter og mun kaupa Lautaro Martinez, 22, fyrir væna fúlgu. Lautaro mun fá 16 milljónir punda í árslaun. (Star)

Juventus ætlar að bjóða 25 milljónir punda í Emerson Palmieri, fjölhæfan bakvörð Chelsea. Emerson er 25 ára gamall. (Express)

Lazio ætlar að styrkja hópinn sinn næsta sumar. Félagið vill fá Olivier Giroud, 33, og Giacomo Bonaventura, 30, þegar samningar þeirra við Chelesa og AC Milan renna út í sumar. (Gazzetta dello Sport)

Barcelona og Real Madrid fylgjast bæði með Rayan Cherki, 16 ára framherja Lyon. (Calciomercato)

Sean Dyche, stjóri Burnley, segist ekki vera undir neinni pressu að selja ungstirni sitt Dwight McNeil, 20. (Mirror)
Athugasemdir
banner
banner
banner
banner
banner