HM: Þjóðverjar skoruðu sjö gegn Curacao

Stórþjóð Þýskalands mætti smáþjóð Curacao í fyrstu umferð heimsmeistaramótsins og var ekki búist við mikilli mótspyrnu frá nýliðum Curacao þar sem landið telur um 150 þúsund íbúa.

Felix Nmecha náði forystunni með glæsilegu marki snemma leiks en Livano Comenencia gerði ólíklegt jöfnunarmark á 21. mínútu.

Curacao sýndi flottar rispur en tókst ekki að halda þýska liðinu í skefjum lengi. Nico Schlotterbeck skallaði hornspyrnu í netið áður en Kai Havertz tvöfaldaði forystuna með marki úr vítaspyrnu seint í uppbótartíma fyrri hálfleiks.

Staðan var því 3-1 í leikhlé og bættust fjögur mörk við í seinni hálfleiknum. Jamal Musiala, Nathaniel Brown og Deniz Undav komust allir á blað áður en Havertz setti sjöunda og síðasta mark Þýskalands. Lokatölur 7-1.

Þýskaland og Curacao eru í áhugaverðum riðli með Ekvador og Fílabeinsströndinni.