Besta deild kvenna: Stjarnan hafði betur í fimm marka leik

Stjarnan og Þór/KA áttust við í Bestu deild kvenna í dag og náðu heimakonur forystunni snemma leiks þegar Fanney Lísa Jóhannesdóttir skoraði eftir góða pressu.

Garðbæingar fengu færi til að bæta mörkum við leikinn sem fóru forgörðum en bökkuðu í kjölfarið sífellt aftar á völlinn og tóku Akureyringar stjórn á leiknum. Það leiddi til jöfnunarmarks frá Bríeti Jóhannsdóttur á 36. mínútu, svo staðan var jöfn í leikhlé.

Síðari hálfleikurinn fór skemmtilega af stað, Þór/KA fékk færi áður en Snædís María Jörundsdóttir endurheimti forystu heimakvenna með skalla eftir fyrirgjöf. Skömmu síðar tvöfaldaði Hulda Hrund Arnarsdóttir forystuna eftir gullfallega stoðsendingu Telmu Steindórsdóttur.

Akureyringar sóttu stíft á lokakaflanum og minnkuðu muninn með marki úr vítaspyrnu snemma í uppbótartímanum. ....

Stjarnan jafnar Breiðablik á stigum í öðru sæti Bestu deildarinnar með þessum sigri, með 21 stig eftir 11 umferðir. Blikar eiga þó leik til góða.

Þór/KA er áfram í fallsæti, með 9 stig.