Lengjudeildin: HK rúllaði yfir ÍR

HK tók á móti ÍR í Lengjudeild karla og gjörsamlega rúllaði yfir Breiðhyltinga með fjórum mörkum á átján mínútna kafla í fyrri hálfleik.

Karl Ágúst Karlsson, Atli Hrafn Andrason, Dominik Radic og Þorsteinn Aron Antonsson skiptu mörkunum bróðurlega á milli sín í Kópavogi svo staðan var 4-0 í leikhlé.

Tumi Þorvarsson setti fimmta markið í síðari hálfleik áður en Stefán Þór Pálsson gerði fánamark ÍR-inga, svo lokatölur urðu 5-1.

HK fer upp í þriðja sæti með þessum sigri, þar sem liðið situr með 25 stig eftir 14 umferðir - þremur stigum á eftir toppliði Aftureldingar sem á leik til góða.

ÍR er með 12 stig, fjórum stigum fyrir ofan fallsvæðið. Jóhann Guðmundsson. þjálfari ÍR, tók út leikbann í leiknum.