Skoska félagið Aberdeen hefur sektað átta leikmenn liðsins eftir að þeir brutu reglur tengdar kórónaveirunni á dögunum.
Jonny Hayes, Michael Devlin, Scott McKenna, Matty Kennedy, Sam Cosgrove, Dylan McGeouch, Craig Bryson og Bruce Anderson eru leikmennirnir sem um ræðir.
Leikmennirnir skelltu sér á bar eftir leik í skosku úrvalsdeildinni og tveir þeirra smituðust af kórónaveirunni.
Hinir sex leikmennirnir fóru í sóttkví og leikjum Aberdeen gegn St Johnstone og St Mirren var frestað.
Aberdeen staðfesti í dag að félagið hefði sektað alla leikmennina og að sektin væri há.
Athugasemdir