Gunni giskar á tíundu umferðina

---

KR 3 - 1 FH (18:00 í kvöld)
Halli félagi minn er búinn að tala mikið um að FH vinni þennan. En maður er ekki alveg svo klikkaður. Öruggur KR sigur en Kristján Gauti setur sárabótamark fyrir Hafnfirðinga.

Stjarnan 4 - 1 Grótta (19:15 í kvöld)
Stjarnan hatar að tapa leikjum þessa stundina og Gróttan verður því miður lítil fyrirstaða. 3-0 eftir 30 mín, leik lokið.

ÍA 2 - 2 Fylkir (16:00 á morgun)
Finnst þessi leikur fyrirfram ekkert ofboðslega sexý. En annað mun koma á daginn. Á endanum verður það Djair hinn ógurlegi sem vinklar einn af 30 metrunum og Fylkismenn til sjávar og sveita sáttir við punktinn.

Valur 1 - 3 KA (16:00 á morgun)
Valsmenn verða enn með hugann við næsta bakstur fyrir KSÍ og gleyma sér alveg. Hallgrímur Mar með listasýningu og setur þrjú stykki.

HK 1 - 1 Fjölnir (17:00 á sunnudag)
Býst ekki beint við flugeldasýningu hér. Bæði lið virða punktinn.

Víkingur R. 2 - 4 Breiðablik (19:15 á sunnudag)
Óvenju margir munu taka göngutúr um Fossvoginn á sunnudaginn. Leikur sumarsins hugsa ég. Fjarvera King Hjaltested á grillinu mun reynast Víkingum of þungt högg og Blikar ganga á lagið.

Fyrri spámenn:
Aron Elís Þrándarson (6 réttir)
Hólmbert Aron Friðjónsson (4 réttir)
Stefán Árni Pálsson (4 réttir)
Berglind Björg Þorvaldsdóttir (3 réttir)
Þorkell Máni Pétursson (3 réttir)
Ingólfur Sigurðsson (2 réttir)
Svava Kristín Grétarsdóttir (2 réttir)
Albert Brynjar Ingason (1 réttur)
Málfríður Erna Sigurðardóttir (1 réttur)