Ítalía í dag - Lazio og Roma mæta til leiks
Mynd: EPA
Mynd: EPA
Ítalska deildartímabilið hófst á sigrum AC Milan, Inter, Atalanta og Torino í gær og eru fjórir aðrir leikir á dagskrá í dag.
Lazio og Fiorentina byrja daginn á heimaleikjum gegn Bologna og nýliðum Cremonese. Það verður athyglisvert að fylgjast með Cremonese sem hafa bætt við sig meira en tíu leikmönnum í sumar.
Spezia mætir svo Empoli í kvöld á meðan Roma heimsækir Salernitana sem bjargaði sér frá falli í fyrra þökk sé hálfgerðu kraftaverki. Salernitana hefur farið mikinn á leikmannamarkaðinum í sumar og keypt meira en tíu leikmenn, rétt eins og Cremonese.
Maurizio Sarri og Jose Mourinho mæta báðir til leiks í kvöld þar sem þeir eru við stjórnvölinn hjá erkifjendunum og nágrannaliðunum Lazio og Roma. Þeir töluðu um hvorn annan í aðdraganda fyrstu umferðar.
Leikir dagsins:
16:30 Lazio - Bologna (Stöð 2 Sport 2)
16:30 Fiorentina - Cremonese (Stöð 2 Sport 3)
18:45 Spezia - Empoli (Stöð 2 Sport 3)
18:45 Salernitana - Roma (Stöð 2 Sport 2)
