Gríðarleg úrkoma í Como þar sem Man Utd er í heimsókn

Meistaradeildin er í fullum gangi. Manchester United heimsækir Cesc Fabregas og lærisveina hans í Como klukkan 16:45.

United hefur ekki náð að vinna í síðustu leikjum en liðið hefur unnið einn leik og tapað einum í Meistaradeildinni, rétt eins og ítalska liðið.

Appelsínugul viðvörun var gefin út í Langbarðalandi, héraðinu þar sem Como er staðsett, vegna gríðarlegrar úrkomu í gær. Rigningin hefur að sjálfsögðu áhrif á vallarskilyrði og áhorfendur en aðeins er þak yfir einni af fjórum stúkum vallarins.

Þrátt fyrir aukna möguleika á þrumuveðri eru forráðamenn Como sagðir bjartsýnir á að völlurinn verði leikfær og ekki þurfi að fresta. Veðrið er orðið mun betra en það var í gær samkvæmt upplýsingum Fótbolta.net frá Como.