Sveinn Aron Guðjohnsen lék allan leikinn fyrir Spezia er liðið gerði markalaust jafntefli gegn Venice í Feneyjum í ítölsku B-deildinni.
Spezia lék manni færri frá 66. mínútu eftir að Giulio Maggiore fékk sitt annað gula spjald.
Sveinn Aron og hans félagar eru í 13. sæti B-deildarinnar með 20 stig.
Einn leikur er búinn í ítölsku A-deildinni í dag. Það var nýliðaslagur þegar Mario Balotelli og félagar í Brescia tóku á móti Lecce. Balotelli var í byrjunarliði Brescia og lék allan leikinn.
Balotelli skoraði ekki, liðsfélagar hans sáu um það. Brescia vann góðan 3-0 sigur og er núna búið að vinna tvo leiki í röð. Brescia er komið upp í 17. sætið. Lecce er í 16. sæti með tveimur stigum meira, eða 15 stig.
Brescia 3 - 0 Lecce
1-0 Jhon Chancellor ('32 )
2-0 Ernesto Torregrossa ('44 )
3-0 Nikolas Spalek ('61 )
Athugasemdir