Rússland: Arnór lagði upp í sigri CSKA

Arnór Sigurðsson var í byrjunarliði CSKA Moskvu og lagði upp fyrsta mark leiksins fyrir Konstantin Kuchaev sem skoraði með laglegu skoti utan teigs.

CSKA tók á móti Tambov í annarri umferð rússneska deildartímabilsins og jöfnuðu gestirnir rétt fyrir leikhlé.

Ilia Shkurin gerði sigurmark CSKA í upphafi síðari hálfleiks og var Herði Björgvini Magnússyni skipt inná völlinn skömmu síðar til að halda forystunni.

CSKA er búið að vinna fyrstu tvo leiki tímabilsins.