Besta deild kvenna: Breiðablik með sannfærandi sigur í toppslagnum

Breiðablik byrjaði af krafti og strax á annarri mínútu ógnaði Kópavogsliðið að marki FH-inga en skot Edith Kristínar fór í varnarmann.

Á níundu mínútu var hin átján ára gamla Edith aftur á ferðinni og tókst að brjóta ísinn með laglegu skoti í fjærhornið eftir fyrirgjöf Öglu Maríu.

Við mark Blika hægðist örlítið á leiknum en eftir tæpan hálftíma átti Andrea Rán skot úr aukaspyrnu sem fór rétt framhjá marki Breiðabliks.

Edith Kristín komst í hættulegt færi skömmu síðar eftir vandræðargang í vörn FH en tilraun hennar framhjá markinu. Edith var nálægt því að skora aftur eftir sendingu Hrafnhildar Ásu en Deja Sandoval bjargaði á ögurstundu.

Ásdís Karen átti þá gott skot að marki Blika en boltinn rétt framhjá.

Skömmu fyrir hálfleik tvöfölduðu Blikar forystuna með marki frá Hrafnhildi Ásu sem slapp í gegn og setti boltann snyrtilega framhjá Aldísi, markverði FH.

Blikar með tveggja marka forystu í hálfleik og áttu bæði lið góð færi þegar lítið var búið af síðari hálfleik en boltinn vildi ekki inn.

FH-ingar þjörmuðu að Blikum um miðbik síðari hálfleiks en þéttur varnarmúnn Breiðabliks hélt.

Þá skoraði fyrirliði Breiðabliks hið mikilvæga þriðja mark á 72. mínútu beint úr aukaspyrnu. Þar við sat og Breiðablik vann 3-0 sigur í gífurlega mikilvægum leik.

Kópavogsliðið er nú með þriggja stiga forystu á toppi deildarinnar.