Sjáðu Viðar Örn slá markamet Selfyssinga

Viðar Örn Kjartansson fór hamförum í 6-2 sigri Selfoss á Fjölni fyrr í dag þar sem hann skoraði fimm mörk og lagði upp eitt.

Hann hefur nú skorað 28 mörk fyrir félagið í sumar í öllum keppnum sem er félagsmet samkvæmt tilkynningu félagsins..

Í 2. deildinni hefur Viðar skorað 19 mörk í fjórtán leikjum. Þá hefur hann jafnframt skorað fimm mörk í þremur leikjum í Gatorade bikarnum, fjögur mörk í tveimur leikjum í Mjólkurbikarnum og tvö mörk í tveimur leikjum í Lengjubikarnum.

Metið áttu þeir Hrovje Tokic og Sævar Þór Gíslason en þeir skoruðu mest 28 mörk á einu sumri fyrir Selfoss.