Jose Mourinho kvartaði yfir því hversu lítið leikmenn hans hlupu í leiknum gegn Everton og vill hann fá meiri vinnusemi.

Dost er duglegur framherji og vill Mourinho fá hann inn sem varaskeifu fyrir Harry Kane og til að hafa fleiri möguleika á bekknum.

Frankfurt vill fá 5,5 milljónir punda fyrir leikmanninn en liðið borgaði 6,5 milljónir punda fyrir hann í fyrra þegar hann kom frá Sporting Lissabon.

Þessi 31 árs gamli framherji skoraði 10 mörk í Þýskalandi í fyrra en þar á undan gerði hann 81 mark í 103 leikjum fyrir Sporting.