Craig Bellamy, landsliðsþjálfari Wales.
Craig Bellamy hefur farið býsna vel af stað sem landsliðsþjálfari Wales.
Fyrrum sóknarmaðurinn hefur núna stýrt Wales í fjórum leikjum eftir 1-0 sigur gegn Svartfjallalandi í gærkvöldi.
Bellamy er fyrsti þjálfari í sögu karlalandsliðs Wales sem fer í gegnum fyrstu fjóra leikina við stjórnvölinn án þess að tapa leik.
Hann var ekki langt frá því að tapa á Laugardalsvelli síðasta föstudagskvöld en sá leikur endaði með 2-2 jafntefli.
Það er mikil stemning í kringum landslið Wales þessa stundina en stuðningsmenn liðsins eru farnir að gera sér vonir um HM 2026.
Í næsta mánuði mætast Ísland og Wales aftur í Cardiff.
Athugasemdir
