De Bruyne mættur aftur til æfinga - Gundogan ekki með á morgun

„Hann er orðinn mun betri. Í dag þá æfði hann allan tímann með hópnum. Þetta er mun betra," segir Guardiola.

Það er þó ekki talið líklegt að hann verði í hópnum annað kvöld þegar City mætir Everton í ensku úrvalsdeildinni.



Guardiola hefur staðfest að Sergio Aguero verði á bekknum á morgun og þá er búist við því að Ilkay Gundogan missi af leiknum en hann fór af velli gegn Tottenham á laugardag.

„Ilkay er orðinn betri en ég held að hann verði ekki með á morgun," segir Guardiola en Gundogan hefur verið frábær á tímabilinu og var valinn besti leikmaður janúarmánaðar.

Manchester City er á rosalegu skriði og er að stinga af í ensku úrvalsdeildinni.