„Mér fannst þetta vera frábær leikur og ég er stoltur af mínum mönnum hvernig þeir spiluðu þennan leik. Auðvitað er okkur síðan refsað fyrir mistök en ég er ennþá að klóra mér í hausnum hvernig þeir fóru að því að skora þrjú mörk,“ sagði Óskar Hrafn Þorvaldsson um leikinn eftir 3-1 tap Breiðabliks gegn Val á Origo vellinum í kvöld.
Lestu um leikinn: Valur 3 - 1 Breiðablik
Blikar héldu í sína leikáætlun jafnvel þótt illa gengi að opna vörn Vals í leiknum. Aðspurður hvort hann ætlaði að halda í sitt prinsipp sagði Óskar.
„Já það yrði skrýtið. Við erum búnir að vera æfa svona í eitt og hálft ár til þess að spila okkar leik og það væri rosalega skrýtið að fara hætta því núna.“
Thomas Mikkelsen var fjarverandi í liði Blika í dag og þá er Davíð Örn Atlason ekki enn kominn á fullt. Breiðablik mun spila þétt næstu vikurnar og á Óskar von á því að þeir verði með í þessum leikjum sem framundan eru?
„Ég yrði skemmtilega hissa og glaður ef Thomas Mikkelsen yrði klár í þessa leiki en ég vona að Davíð verði klár fljótlega en það gæti verið smá bið í Thomas“
Sagði Óskar en allt viðtalið má sjá hér að ofan.
Athugasemdir
