Georgie Kelly reyndist Stjörnumönnum erfiður í kvöld. Hann kom Bohemians yfir þegar rúmar tíu mínútur voru eftir af fyrri hálfleik. Eftir tæpar tíu mínútur í seinni hálfleik skoraði hann aftur og staðan mjög erfið fyrir Garðbæinga.

Liam Burt gerði algjörlega út um einvígið þegar stundarfjórðungur var eftir af venjulegum leiktíma.

Stjarnan er því úr leik, en Garðbæingar fengu hrós frá írska félaginu fyrir framgöngu sína eftir leik. Það hvernig Stjarnan gekk frá klefa sínum eftir leik var mjög vel gert.

Bohemians vekur athygli á þessu á Twitter og birtir mynd með. Þeir þakka líka einnig Stjörnunni fyrir framkomuna á Íslandi.

Hér að neðan má sjá myndina.